Kryeministri Edi Rama nuk ka lënë pas batutat edhe kur ka folur me gazetarët për postin e ri të Erion Braçes. Teksa i është përgjigjur interesit te medias për ministrat e rinj që zgjodhi si pjesë e kabinetit qeveritar, kryeministri është ndalur edhe në zgjedhjen e Braçes në postin e zv/kryeministrit.
Rama ka shuar kërshërinë e gazetarëve, për një zgjedhje të tillë, duke pasur parasysh se me të ka patur debate. Ai tha se me Braçen i bashkon vizioni i qeverisjes, ndonëse ka momente që kanë kundërshtime.
“Për sa i përket Erion Braçes, besoj që gjithë sa thatë ju tregon të kundërtën e asaj që thatë ju dhe propagandohet nga shumëkush që unë jam person që dëshiroj të rrethohem vetëm nga njerëz që janë dakord me mua.
Me debatet tona të brendshme në Kryeministri, eshtë një e njëqinda sepse ne jemi një familje që diskuton dhe kundërshtohemi me njëri-tjetrin. E bëjmë dallimin midis qëllimit të përbashkët.
Me Erion Braçen na bashkon vizioni i qeverisjes, por në momente kemi kundërshtime. Dua t’u them gjithë atyre që më kanë kërkuar arsye dhe argumente për ta goditur, se Erion Braçes i merrni të keqen qe të gjithë. Për ju, Erion Braçe rron 2 mijë vjet, se unë rroj 1 mijë”.
