Në një lidhje në studion e “Open”, Baton Haxhiu deklaroi se Gent Cakaj, personi që nuk është dekretuar si ministër i Jashtëm nga presidenti Meta, nuk ka thënë kurrë që është për korrigjimin e kufijve Kosovë-Serbi.
Ai ka thënë me tej se Meta ka përdorur jashtë kontekstit, një deklaratë të Cakës. Analisti dhe gazetari i njohur po kështu konfirmoi se në intervistën e dhënë më herët nga Caka, ky i fundit ka folur për angazhimin e shtuar diplomatik të BE-së, që të zgjidhë të gjitha çështjet e hapura për kufirin në rajon.
“Caka nuk ka thënë që është për korrigjim të kufijve. Argumentat e Presidencës janë diletantizëm. Meta përdori jashtë kontekstit një deklaratë të Cakës. Caka foli për angazhimin e shtuar diplomatik të BE-së, që të zgjidhë të gjitha çështjet e hapura për kufirin në rajon”, u shpreh Baton Haxhiu.
“Ky është fundi i një Presidenti kushtetues”, shtoi ai.
