Me qindra persona, ndër të cilët futbollistë dhe trajnerë por edhe ish-futbollistë janë thirrur në gjykatë për të dëshmuar rreth dyshimeve për fiksimin e ndeshjeve në Serie A gjatë sezonit 2010-2011. Janë një lumë emrash të mëdhenj që janë larguar nga futbolli tashmë, por edhe yje të rinj të cilët janë duke shkëlqyer në ekipet përkatëse si Icardi dhe Immobile.
Ata kështu pritet të paraqiten në via Farini nëse Gjykata Italiane do të vendosë të thërrasë të gjithë ata në listë si dëshmitarë në procesin gjyqësor për bastet e paligjshme nga futbollistët mbi kampionatin 2010-2011 që duket se ka 32 të akuzuar ndër të cilët, edhe disa ish-lojtarë italianë të kombëtares si Beppe Signori, Cristiano Doni dhe Stefano Mauri.
TE MARTËN–Në faqet e Corriere della Sera lexohet se ky gjykim do të bëhet për mashtrim sportiv dhe baste të paligjshme nga ana e lojtarëve. Supozohej që të merrej një përgjigje në datën 16 tetor, por gjithçka u shty për më vonë. Ishte një debat i hapur në atë kohë për kompetencen territoriale por kastacioni do të vendosë se ku do të zhvillohet gjyqi. Fillimisht ishte vendosur për gjykatën e Cremones por në këtë moment mbetet të vendoset për datën dhe vendin.
Ndërkohë, Prokuroria Italiane ka depozituar listën e personave të cilët duhet të jenë prezent në gjyq si dëshmitarë dhe ndër to del në pah emri i Mauro Icardi, sulmuesit të Lazios, Ciro Immobile, ai i Antonio Contes (këta të dy kanë qenë tek Siena në atë sezon), dhe Conte ka qenë një nga të dyshuarit madje.
Por më pas si dëshmitarë pritet të thërriten edhe trajnerët Maurizio Sarri, Gennaro Gattuso, Sinisa Mihajlovic, Luigi De Canio, portieri i ri i Juves, Mattia Perin, ish-mbrojtësi i krahut të Juves, Stephan Lichsteiner, i cili kaloi tek Arsenal dhe në këtë moment po luan në Botëror si kapiten i Zvicrës.
Por ndër të tjerë, ka emra si ato të Stephan El Shaarawi, milanisti Luca Antonelli, sulmuesi Mattia Destro, ish-bomberi Christian Vieri dhe ish shokët e skuadrës së tij tek Interi në atë kohë, Javier Zanetti, Wesley Sneijder, Marco Materazzi dhe Esteban Cambiasso.
