Kryeministri Edi Rama ka reaguar lidhur me vendimin e bashkive të djathta, ku kërkohet zbatimi i dekretit të Presidentit për anulimin e zgjedhjeve të 30 qershorit, e për rrjedhojë ndërprerjen e të gjitha veprimeve për afishimin e listave të zgjedhësve në të gjitha shkollat.
Rama i bën thirrje të mos bien pre e katërshes SB/IM/LN/MK pasi ligji nuk ka mëdyshje.
“Kryebashkiakë demokratë!Mos bini viktimë e katërshes SB/IM/LN/MK duke nxjerrë pengesa për zgjedhjet. Referojuni ligjit jo hallit të tyre të madh e as zhurmës së tyre të kotë. Nuk ju nxorri PS nga gara po ata dhe ata duhet të përgjigjen para jush, jo ju para tyre. Ligji s’ka mëdyshje”, shkruan Rama.
Bashkitë i kanë drejtuar (pjesa tjetër pritet) nga një letër KQZ-së dhe për dijeni Ministrisë së Brendshme ku kërkojnë që të lirohen hapësirat që janë përcaktuar për vendosjen e KZAZ-ve për zgjedhjet lokale, pas dekretit të Presidentit Meta për të anuluar 30 Qershorin.
Kryebashkiakë demokratë!Mos bini viktimë e katërshes SB/IM/LB/MK duke nxjerrë pengesa për zgjedhjet.Referojuni ligjit jo hallit të tyre të madh e as zhurmës së tyre të kotë.Nuk ju nxorri PS nga gara po ata dhe ata duhet të përgjigjen para jush, jo ju para tyre.Ligji s’ka mëdyshje
— Edi Rama (@ediramaal) June 14, 2019
