Bashkia e Tiranës i ka dërguar një shkresë me firmë dhe me vulë partisë Fryma e re Demokratike, të cilës i lë kohë deri në 23 mars për lirimin e godinës, ku kjo force politike ka vendosur zyrat e saj.
Kryetari i kësaj force politike, Sali Shehu tha përmes një reragimi se tashmë çështja do të ndiqet në Gjykatën Administrative, dhe në rast se ajo vendos për lirimin e godinës, nga ana e tyre nuk do të ketë asnjë rezistencë.
Ky vendim i Bashkisë vjen pas përplasjeve mes zyrtarëve të Frymës së Re Demorkatike dhe punonjësve të policies bashkiake.
Më datë 3 mars, bashkia kishte dërguar një shkresë për lirimin e zyrave, duke I dhënë një afat kohor prej 10 ditësh, por sipas Shehut kjo ishte një veprim i pastër politik.
Situata u përshkallëzua edhe më shumë, kur në përleshje me policinë u përfshi dhe Presidenti i Republikës, Ilir Meta.
Madje, ai kërcënoi punonjësit e policies se do të përfundonin si policët e ish-Presidentit egjiptian Mubarak, dhe se do i fuste në burg me duart e tij.
