Kryetari i Partisë Demokratike, Lulzim Basha tha se sot kemi në kryeprokuror pa veting dhe pa konsensus dhe me gjysmën e votave. I ftuar në emisionin “Top Story” Basha tha se kemi një kryeprokuror për herë të parë me më pak se gjëmën e votave të Kuvendit, pra, kapur politikisht nga një parti. Nga një parti e cila nuk është në nisje të mandatit të saj. Basha deklaroi se kryeprokurori u zgjodh një moment kritik për hetime të tilla si dosja e Saimir Tahirit, i pari ministër i Brendshëm historinë e Europës 4 vjeçare, krahu i djathtë i kryeministrit i kapur në flagrancë nga përgjimet e Antimafies italiane si koka e trafikut ndërkombëtar të drogës.
“Qëllimi i reformës në drejtësi është një drejtësi e pa kapur politikisht. Qëllimi i reformës në drejtësi është kontrolli i integritetit dhe profesionalitetit të figurës së gjyqtarit dhe prokurorit.
Ku jemi sot?! Sot kemi një kryeprokuror pa veting, sot kemi një kryeprokuror për herë të parë me më pak se gjëmën e votave të Kuvendit, pra, kapur politikisht nga një parti. Nga një parti e cila nuk është në nisje të mandatit të saj, por është në mes të një mandati të njollosur nga aferat më të mëdha kriminale dhe korruptive“, deklaroi Basha.
Basha i doli në mbrojtje kryeprokurores së zgjedhur duke thënë së se nuk ka të bëjë më individin por më mënyrën se si u bë zgjedhja e Kryeprokurorit.
“Nuk ka fare rëndësi se cili person u kap dhe u vu në atë detyrë. Mënyra se si u bë padyshim deligjitimon dhe diskrediton cilindo person, qoftë kjo edhe e shenjta Nënë Terezë, po të ishte zgjedhur, (se nuk dua të bëj krahasime që nuk qëndrojnë) pra, kushdo qoftë personi, mënyra se si u keqpërdor duke u emëruar në një pozicion pa vetting, pa konsensus politik, në një moment kritik për hetime të tilla si dosja e Saimir Tahirit, i pari ministër i Brendshëm historinë e Europës 4 vjeçare, krahu i djathtë i kryeministrit i kapur në flagrancë nga përgjimet e Antimafies italiane si koka e trafikut ndërkombëtar të drogës” tha Basha.
