Kreu i Partisë Demokratike, Lulzim Basha deklaroi sonte e Rama duhet që t’i japë fund menjëherë reprezalje policore ndaj shqiptarëve. Në një deklaratë për median, Basha i bëri thirrje Ramës të pezullojë urdhrin për tarifën në Rrugën e Kombit. Kryedemokrati tha se Rama duhet ta kuptojë se zgjidhje vjen me dialog dhe jo me raprezlajen e armëve.
Kjo deklaratë e Bashës vjen pas takimit me aleatet në Selinë e PD-së. Në takim marrën pjesë kryetarja e LSI, Monika Kryemadhi, Petrit Vasili si dhe Klajda Gjosha, po ashtu të pranishëm ishin edhe kreu i PR-së, Fatmir Mediu si dhe aleatë të tjerë.
“Jemi këtu sot në emër të gjitha partive të opozitës, për të dënuar kanosjet histerike dhe policore të Edi Ramës. Ne urojmë që ato janë trillim i gjendjes së tij të rënë psiqike.
Ne i shprehim mbështetjen më të fortë qytetarëve të Kukësit, Kosovës dhe gjithë Shqipërisë, që preken nga tarifa në Rrugën e Kombit.
Kërkojmë vënien para përgjegjësisë ndaj çdokujt që ka ushtruar dhunë ndaj tyre.
U bëjmë thirrje shqiptarëve të heqin dorë nga dhuna por ta krkojnë të drejtën e tyre me çdo mjet demokratik.
Rama ta kuptojë se zgjidhje vjen me dialog dhe jo me raprezlajen e armëve. Për këtë qëllim i bëjmë thirrje Edi Ramës të largojë menjëherë forcat policore që kanë rrethuar Kukësin.
Dërgimi i forcave speciale është një veprim frikacak i Edi Ramës.
Forcat speciale nuk po kapin qindra kriminelë që po kërkohen nga drejtësia shqiptare dhe ndërkombëtare. Me gjendjen e sundimit i të plotë të krimit , policia të luftojë kriminelët dhe jo popullin.
I bëjmë thirrje çdo punonjësi të policisë të refuzojë urdhëratë për dhunë ndaj qytetarëve të Kukësit, ndryshe do të ndëshkohen. I bëj thirrje Edi Ramës të pezullojë menjëherë zbatimin e tarifës në Rrugën e Kombit. Pazaret korruptive të Edi Ramës do të hetohen dhe do të dënohen. Edi Rama të bëjë transparencë dhe të japë llogari, se ku shkojnë çdo vit 200 mln euro që shqiptarët paguajnë çdo vit për Rrugën e Kombit.
Do të mjaftonte 1/10 e kësaj takse për të mirëmbajtur rrugën e kombit. Edi Rama të japë llogari, pse shpërdorohet dhe nuk përdoret ky fond. I bëjmë thirrje shqiptarëve të mos bien pre e një kryeministri manipulator dhe të paskrupullt, që i ka gënjyer çdo ditë këto pesë vjet”, deklaroi Rama.
