Kryedemokrati Lulzim Basha, tha para protestuesve se shteti është kapur nga krimi i organizuar, ndaj do të jetë në krah të qytetarëve për të shporrur Ramën. Kreu i PD-së, me tone të larta i është drejtuar Policisë së Shtetit që të mos lejojnë kryeministrin Rama që të arratiset, ndërsa paralajmëroi se ky është vetëm fillimi.
“Dhe me ndihmën e Zotit, shqiptarët kanë nisur rrugëtimin e shpresës. Ky rrugëtim që nisi me bashkimin në 29 vite liri e pluralizëm do të vazhdojë deri në largimin e qeverisë së krimit.
Rama ik! Rama Ik! T’ju dëgjojë bota. Ne kërkojmë për Shqipërinë tonë, atë që na takon, në sytë e Europës, e botës së emancipuar, demokracisë më të madhe të botës, SHBA janë tek ky shesh. Ne kërkojmë për shqiptarët, Basha do qëndrojë në krahun tuaj. Unë besoj tek demokracia amerikane, tek shteti i së drejtës, ti mbrojmë qytetarët njësoj para ligjit. Unë besoj tek liria, tek demokracia, mundësia për çdo shqiptarë.
Ne nuk jemi popull i dhunës, jemi populli i Shqipërisë, ne jemi e ardhmja evropiane e vendit. Ne nuk do të pranojmë një kryeministër bandit të kapur në flagrancë duke vjedhur vullnetin e popullit, duke vjedhur dhjetra qindra miliona. Ndaj i bëjmë thirrje Policisë së Shtetit, të mos lejojë daljen jashtë shtetit të pandehurit Edi Rama”, tha Basha.
