Kryetari i Partisë Demokratike, Lulzim Basha është takuar me përfaqësues të bizneseve të vogla në Paskuqan.
Këta të fundit, gjatë takimit me Bashën, shprehën shqetësimin e tyre lidhur me skemën e TVSH-së, e cila rrit kostot dhe do i detyrojë ata të ngrenë çmimet, shkruan kreu i PD-së.
Në një postim në Facebook, Basha shprehet se i ka ftuar ata që të kundërshtojnë futjen në skemën e TVSH-së që sjell falimentimin e biznesit të vogël.
POSTIMI I BASHËS:
Biznesi i vogël me të cilën mbahen mijëra familje në zonën e Paskuqanit e quan shkatërruese futjen në skemën e TVSH-së. Rrit kostot, dhe do ti detyrojë ata të ngrenë çmimet. Edhe me çmimet aktuale, shprehen ata, mezi e mbyllin muajin. Unë i garantova se Partia Demokratike do të kundërshtojë dhe do të luftojë që kjo të mos ndodhë. I ftova të bashkohen në këtë betejë, për të mos lejuar këtë çmenduri të qeverisë që sjell falimentimin e biznesit të vogël dhe rritjen e çmimeve dhe kostos së jetesës për gjithë qytetarët.
[ngg_images source=”galleries” container_ids=”507″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
