Lulzim Basha ka folur sot në foltoren e Kuvendit, ku është shprehur se Parlamenti është mbushur me kriminelë. Sipas Bashës, kryeministri është provuar dhe prova e tij më e mirë janë Elvis Roshi, Klemend Balili, dyshja Dako-Çela, Arben Ahmetaj, Ilir Beqja, Damian Gjiknuri me shokë.
Po ashtu, Basha tha se nuk është rastësi që në makinën e Sotës ndodheshin paratë e Tahirit, pasi ky i fundit i ka dhënë tendera 25-vjeçarit.
FJALA E BASHËS:
Ky që pyeste shqiptarët si shkoni me kanabisin, duke dhënë mesazhin se është mirë të kultivosh drogë, ky që përkëdhelte Elvis Roshin, duke e quajtur kriminelin tim të dashur, ky që solli dhe strehoi në kuvend më shumë kriminelë të rrezikshëm, se sa në burgun e sigurisë së lartë. Sot po shfaqte në të njëjtat tribuna dhe studio, kur deri dje thoshte se s’ka krim as drogë, po përpiqet të ndryshojë çdo gjë, duke provuar t’i mashtrojë për të disatën herë shqiptarët. Pasi i mashtroi me shëndetësinë falas, duke e privatizuar atë të klientët, pasi i mashtroi me drejtësinë dhe me rilindjen, po mundohet të vërë në skenë një mashtrim të stërmadh: një sallë luksoze i rrethuar me policë, deklaroi se do e çlirojë Shqipërinë nga krimi., Ata që i gënjyen shqiptarët për drogën dhe Saimir Tahirin për 4 vjet, duartrokitën. Të gjithë e kanë parë se për 4 vite me radhë, Rama ka qenë në krah të krimit dhe eta bandave. Prova e tij është Elvis Roshi, Klemend Balili, dyshja Dako-Çela, Arben Ahmetaj, Ilir Beqja, Damian Gjiknuri me shokë.
Krimi është fuqizuar, sofistikuar dhe ka evoluar në mënyrë të frikshme. Mijëra tonelata drogë gjendet ën magazina e çdo ditë trafikohet në Itali dhe në vendet e Evropës. Sot preferenca është bërë kokainë, marijuana dhe heroinë.
Çdo javë, ne Evropa kapen sasi kokainë e heroinë. Evoluimi më i rëndësishëm i krimit është kapja e ekonomisë.
Riciklimi dhe pastrimi i parave është aktiviteti kryesor, forma më e rrezikshme e krimit të organizuar.
Nuk është rastësi që Tahiri ia dha paratë një biznesmeni, të dy kanë marr tendera nga Samir Tahiri. Nuk është rastësi që Vangjush Dako është kryebashkiak dhe kryebandit.
Çdo gjë thellohet me projektin 1 miliard, është formalizimi i trekëndëshit qeveri-sistem bankar-bandat e drogës.
Aleatët më të mëdhenj janë heshtja dhe vetmia. Heshtja është më e keqja prandaj s’duhet përsëritur më ky gabim.
S’duhet të ndiheni të vetmuar, të shkëputur e të ndarë nga njëri-tjetri.
