Kryetari i Partisë Demokratike Lulzim Basha është shprehur se deklarata e Edi Ramës se i ka kërkuar në tavolinë pushtetin është një shpifje.
Kryedemokrati është i ftuar sonte në emisionin “Opinion” përballë Blendi Fevziut dhe një paneli gazetarësh.
Basha tha se është mashtrim dhe se Rama është angazhuar në fushatë kundër besueshmërisë së opozitës, ku janë përfshirë dhe disa persona që ai i quajti “pseudodemokratë”.
Basha: Është një mashtrim i keq, i një njeriu që është në vështirësi që nuk ka vullnet dhe as qëllim të qeverisë dhe as nuk bën sikur qeveris. Është angazhuar në një fushatë të ethshme kundër besueshmërisë së opozitës, bashkë me mediat pranë tij, analistë të paguar dhe pseudodemokratë.
Fevziu: Kanë emra pseudodemokratët?
Basha: Ca rëndësie ka se po flasim politikisht…Nuk ka asnjë marrëveshje mes meje dhe atij.
