Kryetari i Partisë Demokratike Lulzim Basha është shprehur se projekti 1 miliard i qeverisë për buxhetin e vitit 2018, është thjesht pastrim i parave të krimit dhe drogës. Pas mbledhjes së Grupit Parlamentar të PD-së, Basha tha për gazetarët se “është krijuar trekëndëshi shtet kriminal-karteli i drogës-ekonomia kriminale. Oligarkët po pastrojnë paratë dhe trafikantë që blejnë bizneset”.
“Nuk është më kultivimi i kanabisit veprimtaria kryesore. Fusha e parë është trafiku i heroinë dhe kokainë dhe e dyta kafshimi i ekonomisë shqiptare, domethënë krimi po zhvendoset në ndërtim, në Bankat e Shqipërisë. Pra nga malet e fushat po zhvendoset në sheshet e Shqipërisë dhe të famshmin projekt 1 miliard euro të Edi Ramës”, tha Basha.
https://www.facebook.com/lulzimbasha.al/videos/1689178997799941/
Sipas tij, një biznes që fërgon peshq nga peshkatari i zonës, nëse kalon xhiron 2 milionë lekë, duhet të paguajë peshq. “Kurse baronët e drogës si Balili nuk do paguajnë tatim fitimi. Tek ai biznesi i vogël që fërgon peshkun, pra do paguash 20% TVSH, Kurse të hash aragostën apo ngjalën tek Santa Quaranta s’ka taksa”, vijoi kreu i PD-së.
“Ja çfarë po bën, pasi e mbushi Shqipërinë me drogë, pasi e zhyti në kolaps financiar, pasi fukarenjtë e shesin drogën sot më lirë se çaji”, tha Basha.
