Kreu i PD-së Lulzim Basha ka replikuar me kryeministrin Rama, të cilit i tha se ndan pushtetin me kriminelët dhe se nuk duhej të ishte në vendin e kryeministrit.
Basha e paralajmëroi kryeministrin se as batutat dhe as megafonët nuk do i bëjnë punë dhe se shumë shpejt do të japë llogari.
FJALA E BASHËS:
Pse e zhyte Shqipërinë në krim, pse e zhyte në drogë? Ç’punë ka kryebashkiaku yt në komisariatin policisë dhe në tavolinat e kriminelëve? Ç’punë ka ministri yt me ata që kërkonin ekstradim? Je bërë karikature e përkufizimit se streha e fundit e maskarait është pseudo patriotizmi!
Korrupsioni ka kapur shtetin, e thotë raporti i Bankës Botërore. Ndan pushtetin me kriminelët dhe i përdor për të mbajtur pushtetin. Ja ku e ke eksportin, droga është eksporti jot. Ti nuk duhej të ishe aty, nuk mund të ishe aty në një sistem demokratik. Nuk do të jetë kështu për shumë gjatë, do vijë ora që të përgjigjet. As batutat, as megafonët s’do të bëjnë punë, do japësh llogari herët a vonë, unë besoj më shumë herët se sa vonë!
