Kreu i Partisë Demokratike, Lulzim Basha ka akuzuar drejtpërdrejt Ramën si të lidhur me drogën rekord që u kap në Maminas. Basha tha gjatë seancës në Kuvend, se nuk kishte se si kjo ngarkesë të vinte pa asnjë siguri politike, ndërsa akuzon Ramën si përfitues kryesor të kokainës së kapur.
Akuzat e Bashës në Kuvend:
Kjo ditë na mbledh pas ngjarjeve dramatike të javës së kaluar. Në Shqipëri sundon një qeveri e lidhur kokë e këmbë me klanet më të rrezikshëm të drogës, sundon një km i cili drejtpërdrejt i ka graduar organizatat vendase kriminale dhe i ka bërë pjesë të kateleve ndërkombëtare, që u ka hapur dyert për trafikun e kokainës.
Nisi me marijuanën, me kanabisin, por shumë shpejt problemi i drogës u përhap në trafikimin e drogave të forta, të marijuanës dhe kokainës.
Por, autorët e vërtetë nuk u kapën kurrë, ushtarët e tyre u shoqëruan nga familjarët e kryeministrit dhe policë drejt sigurisë, ndërsa vetë Edi Rama mbylli gojën dhe premtoi vazhdimin e industrisë së përpunim,it të kokainës në Shqipëri. Këtu ka të paktën 3 laboratorë, por ja ku erdhi prova.
Cilat janë faktet që Rama, Xhafaj dhe të tjerë mundohen t’i fshehin me çdo kusht?
Më 28 shkurt, u arrestuan në Maminas 2 persona q po transportuan një kontejner, ku u gjetën 163 kg kokainë. Ky kontejner kishte qëndruar në port prej datës 19 shkurt, pra plot 9 ditë në pritje të zhdoganimit, bashkë me dy kontejnerë të tjerë. Një kërkim i thjeshtë, tregoi se kjo kompani ka bërë 97 ngarkesa nga Kolumbia. Ky pronar është shpallur në kërkim, është larguar më 27 shkurt, 24 orë para se droga të ndalohej.
Është larguar pasi ka mbyllur edhe NIPT-in dytësor, partnerët ndërkombëtarë prej kohësh kishin sinjalizuar të shkuarën kriminale të Çekajt. Shoferi në faqen e tij në FB shkruante “transportoj miell për partizanë” .Kush janë partizanët për të cilët ishte porositur droga?
Vlora rekord e drogës prej 180 mln eurosh, ngre në pyetje: Kush e ka financuar një operacioni të tillë?
Kush ka garantuar siguri? Reagimi i parë i Xhafajt ishte përgëzimi i pol dhe partnerëve të huaja. Rama tha diçka krejt t kundërt, u mburr duke thënë se operacioni u krye ekskluzivisht nga policia shqiptare. Pas disa orësh, Xhafaj i ra hasha deklaratës së mëngjesit. 180 mln euro, afro 300 mijë euro për kg, që do të thotë së bëhet fjalë për kokainë shumë të pastër, që duhet përzierë me substanca të tjera, duhet prerë me të paktën 6 herë.
Droga do shkonte në një laborator për përpunim të mëtejshëm.
Para se të kalonte një sasi prej 620 kg, kartelet kanë provuar me sukses disa herë të tjera. Sa herë janë kontrolluar ngarkesat e mëparshme të Arbri Garden?
Pse pronari e la për më shumë se një javë në port, duke ditur ngarkesën ku presupozohet se zona ka një rrezik të lartë zbulimi. Pronari është sinjalizuar prej vitesh si dyshues i trafikut të kokainës. Pse Rama mohoi bashkëpunimin me partnerët?
Pronari i kompanisë u largua jo pasi mbërriti kontejneri, por një ditë para se të dilte nga porti i Durrësit, u arratis në drejtim të paditur. Përgjigja është e thjeshtë dhe e kuptueshme: nuk i ka hyrë gjemb në këmbë 97 herë, me dhjetëra sinjalizime, por asnjë veprim për ta kontrolluar. U kap vetëm pas sinjalizimit të agjencive të huaja, pasi ia futën 2 këmbët në këpucë. Por, vetëm pasi siguruan që çdokush që kishte dëshmi, të ishte larg drejtësisë.
E njëjta skemë që zbatoi Rama dhe Tahiri në rastin e Xibrakës. Mbetemi me një shofer që thotë se malli është për partizanët. TIRANA TODAY
