Kreu i Partisë Demokratike, Lulzim Basha në një takim me elektoratin e Elbasanit, ka sulmuar Edi Ramën, se në mitingun e sapo mbajtur në Sheshi “Nënë Tereza” e ka mbushur me njerëz të administratës publike.
Sipas tij, Rama ka nxjerrë me pahir administratën dhe po u flet si trajner futbolli për gjera që askush nuk i beson.
“Në Tirane janë ulur me zor në shesh në karriget e shtrenjta njerëz të administratës dhe po dëgjojnë ato që thotë Rama. Ato qe thotë përditë dhe qe as vet ai nuk i beson.
Këta zyrtarë janë ulur në karriget e këtij funerali që nuk mbajti asnjë premtim”tha Basha.
Gjithashtu, Basha ka deklaruar se më 25 qershor do të cclirojë elbasanin dhe Shqipërinë nga Bandat e krimit.
“Ora e bandave mbaron në 25 qershor. Bashkë do ta çlirojmë, unë do ta shtyp krimin dhe do tu liroj nga ai. Ka ardhur ora të ndërtojmë institucione ekonomike për të nesërmen e sigurtë për çdo shqiptar.
Kudo që shkoj të gjithë janë të bashkuar, opozita, demokratët por edhe socialistët e zhgënjyer nga premtimet e pambajtura nga Edi Rama’, tha ai.
Në vijim të fjalës së tij, kryedemokrati Basha ripërsëriti se është politikani i gënjeshtrave pasi nga ato që tha para 4 viteve nuk mbajti asnjë premtim.
“Rama për katër vite ishte uni, uni, uni, por morri vendimet e gabuara.
Ai ndërtoi landfillin e Elbasanit dhe dëmton shëndetin e fëmijëve tuaj.
Ai për 4 vjet nuk pyeti njeri. Ai merr taksat tuaja dhe nuk pyet njeri se si i harxhon !
vagonin e tij do ta sjellim këtu për skrap, por furrnaltën e saj do ta ndezë Elbasani”,-deklaroi ai.
