Pas takimit të mbajtur me eurodeputetët, kryedemokrati Basha në një prononcim për mediat tha se ndërkombëtarëve u ka pasqyruar realitetin. Për të, opozita nuk do ketë kthim në Kuvend pa largimin e Ramës, dhe pa zgjedhje të lira e të ndershme. Ai nënvizoi se shqetësimi për ndërkombëtarët është stabiliteti, dhe se vjedhja e votave që bën Rama, nuk mund të fshihet pas arrestimit të një ose dy zyrtarëve.
Basha tha se i paraqiti delegaciont të PE-së situatën në vend, ku sipas tij, qeveria është e lidhur me krimin dhe se ka ardhur në pushtet me vota të blera. “Një qeveri tranzitore, dhe zgjedhje të lira e të ndershme, janë zgjidhja politike që do t’i kthejë legjitimitetin institucioneve”, shtoi Basha.
I pyetur nga gazetarët nëse ndërkombëtarët kanë ndryshuar qëndrimet e ashpra, për djegien e mandateve dhe protestat e dhunshme, Basha nuk dha një përgjigje të saktë, nëse ky qëndrim kishte ndryshuar pas takimit me ta. Por shtoi se faktori ndërkombëtar e ka pasur shqetësim stabilitetin dhe kjo është e kuptueshme, tha ai, por fakti që sipas tij nuk ka demokraci, ky stabilitet ka dështuar.
