Kreu i Partisë Demokratike, Lulzim Basha i është bashkuar sërish pasditen e sotme protestës së banorëve të Unazës së Re.
Gjatë fjalës së tij, Basha u bëri thirrje shqiptarëve që t’u bashkohen studentëve për t’i dhënë fund korrupsionit.
“Rama financon më shumë për luks se për nevojat e shqiptarëve. Ftoj të gjithë qytetarët t’u bashkohemi masivisht protestës së tyre për t’u treguar atyre se nuk i lëmë vetëm. Jemi më të fortë se makutëria. Është koha që të gjithë shqiptarët t’i bashkohen protestës së studentëve”, tha Basha teksa vlerësoi banorët e Unazës së Re që iu bashkuan sot protestës së studentëve para Kryeministrisë.
