Ka përfunduar mbledhja e kryedemokratit Basha me aleatët, e mbajtur në selinë blu. Pas takimit, Dashamir Shehi tha se tema kryesore që është diskutuar ka qenë vijimi i aksionit opozitar përmes protestave.
Më tej, ai akuzoi kryeministrin Rama që ka nisur tashmë procesin e falsifikimit dhe vjedhjeve të zgjedhjeve, ndërsa ritheksoi se zgjedhje me Ramën kryeministër nuk do të ketë më 30 qershor.
“Tashmë edhe gazeta gjermane Bild implikon vetë zotin Rama në blerjen e votave në zgjedhje, kështu që moral më për zgjedhjet nuk ka. Aksioni fatkeqësisht do spostohet me njerëzit në rrugë, nuk heqim dorë për negociata me ndërkombëtarët, por nuk heqim dorë nga protestat.
Kjo deri sa të arrijmë në një zgjidhje… Ky është mesazhi kryesor, këtë do të diskutojmë edhe në vijim deri në datë 30. Po shkelen rregullat e lojës dhe ka ardhur koha për t’i thënë ndal, zgjedhje më 30 qershor me Ramën kryeministër nuk ka”, u shpreh ai.
