Kreu i Partisë Demokratike, Lulzim Basha deklaroi se nuk do të lejojë që reforma zgjedhore të kthehet në fasadë, por do garantojë objektivin për zgjedhje të lira.
Sipas Bashës, Rama vrau marrëveshjen e 18 majit, pas zgjedhjeve të 25 qershorit. I pyetur mbi foton e diktatorit Hoxha në përkujtimin e Konferencës së Pezës, Basha tha se do kërkojë ndihmën e ndërkombëtarëve për të miratuar një projektligj, i cili ndalon përdorimin e simboleve komuniste.
Partia Demokratike i ka dorëzuar kreut të Kuvendit, Gramoz Ruçi një kërkesë për ngritjen e Komisionit të Posaçëm Parlamentar për Reformën Zgjedhore, e firmosur nga deputetët propozues Eduard Halimi, Flamur Noka, Endri Hasa, Enkelejd Alibeaj, Valentina Duka, Dhurata Cupi, Fatbardha Kadiu, Romeo Gurakuqi, Jorida Tabaku dhe kreu i grupit parlamentar Edmond Spaho.
FJALA E BASHËS:
Nuk do lejojmë që reforma zgjedhore të kthehet në fasadë. Reforma zgjedhore do garantojë objektivin tonë për zgjedhje të lira. Kjo qeveri nuk do ishte qeveri pa paratë e drogës. Në këtë kuptim marrëveshja e 18 u vra nga Edi Rama pas zgjedhjeve të 25 qershorit, se cili do jetë qëndrimi i Ramës do ta shikojmë. E kaluara tregon se ai është pozicionuar në dhunimin dhe manipulimin vullnetit të qytetarëve.
Këtë përpjekje do e bëjmë vetëm me demokratët dhe opozitarët, por edhe me qytetarët.
Ne do i japim formë këtij vendim, këtij qëndrimi, reforma zgjedhore u takon qytetarëve
Foto e Hoxhës, sëmundje e përsëritur, kemi kërkuar ndihmën e partnerëve ndërkombëtarë dhe do kërkojmë edhe ndihmën e ndërkombëtarëve gjermanë do një projekt ligj për ndalimin e simboleve diktatoriale.
- Model që ofron votimin dhe numrin elektronik
- Redukton rolin e kryetarëve
- Jep pushtet qytetarëve/ Tirana Today
