Në fjalën që mbajti në Këshillin Kombëtar të Partisë Demokratike, kreu i PD, Lulzim Basha, deklaroi se shqiptarët nuk mund të qeverisen më nga Rama. Ai tha se së pari do përcaktohet dita e nisjes së aksionit opozitar, për largimin e kryeministrit Edi Rama, ndërsa e cilësoi 2019 si vitin e betejës.
“E para është diskutimi dhe miratimi për nisjen e aksionit opozitar për largimin e Edi Ramës.
Këtë vit do të ballafaqohemi me sfida të mëdha, që nga rrënimi i Shqipërisë, tek degradimi i Edi Ramës. Ky është viti i betejës.
Ky është një vit ku duhet të ndeshemi me domosdoshmërinë e garantimit të zgjedhjeve të lira dhe të ndershme.
Dekriminalizimi i zgjedhjeve është objektivi parësor për të ardhmen e vendit.
Ndërkohë që zgjedhjet lokale afrojnë, qeverisja kontrollohet totalisht nga krimi, ndaj Edi Rama refuzoi propozimin për vettingun në politikë.
Këtë vit Shqipëria rrezikon seriozisht mos-marrjen e statusit në verë”, përfundoi Basha.
