Pas fjalës së kryeministrit Rama, ku pati një përplasje të fortë me ish-kryeministrin, kryeparlamentari Ruçi caktoi 10 minuta pushim. Pas mbledhjes së Kuvendit, fjalën e mori kryedemokrati, i cili lëshoi një lum akuzash ndaj Ramës, duke i kujtuar deputetët e kriminalizuar të cilët i ka sjellë në pushtet. Sipas tij, kryemininstri i ka orët e numëruara, pasi çdo gjë ka dalë në dritë të diellit.
“Kjo shfaqje e shëmtuar e një njeriu të droguar, Rama s’donte të vinte në seancë, pastaj erdhi. Përbën një tregues se kemi një njeri se ka refuzur të bëjë testin e drogës, dhe paraqitet në një gjëndje të rënduar psiqike.
Sot duhet ta kuptojmë pse gjëndja e tij psikike është e rënduar. Rama e ka quajtur “Zërin e Amerikës” kazan. Arsyen pse e sulmoi “Zërin e Amerikës”, pse ka publikuar një hetim të thelluar të një rrjeti investigativ gazetarësh, tregon sesi Rama në 2017 e mori pushtetin me ndihmën e bandave kriminale. Vetëm një dosje, 339, tregon për aq sa është zbuluar, vetëm maja e ajsbergut sesi në 4 qarqe ne Tirane, Lezhe, Dibër dhe Durrës, Rama ka trafikuar jo deputetë të zgjedhur me vota, por kukulla të krimit. Kjo nuk është asgjë e re, për ne denoncimin e parë e kemi bërë në këtë foltore. Por rëndësia e asaj që ka denoncuar “Zëri i Amerikës” se nuk ka asnjë dyshim se akuzat e opozitës, pretendmet e opozitës. Ko është arsyeja pse Rama iu fsheh, dhe nxori vulgaritetet e tmerrshme”.
