Kryetari i Partisë Demokratike, Lulzim Basha, në Kavajë ka deklaruar se Partia Socialiste është e çoroditur si pula pa kokë. Basha ndër të tjera tha se ata kanë ndërruar disa herë kandidatët për kreun e Bashkisë së Kavajës dhe se këta kandidatët janë gurë shahu në duart e Gencit dhe të Edvinit.
“Ata janë të çoroditur si pula pa kokë, ndërruan sërish kandidat më thanë, nuk kemi kohë as të mësojmë emrat e atyre që ndërrojnë. Kandidatët e PS-së për Kavajën janë gurë shahu në duart e Gencit dhe të Edvinit”, tha kryetari i PD-së, Basha.
Ndër te tjera Basha tha se “Kavaja paralajmëroi në mënyre vendimtare shembjen e republikës së vjetër dhe ardhjen e republikës së re. Historia e tre dekadave të fundit tregon se kur Kavaja është bashkë e jona është fitorja. Duruat 4 vite të gjata të shtrëngimit më të paparë ekonomik. Katër vite të vështira në Kavajë nuk udhëhoqi virtyti dhe tradita, por drejtuan qytetin kriminelët. Kavaja nuk është një qytet dosido por është zemra e lirisë dhe demokracisë. Jemi të gjithë të bashkuar rreth Isa Sakes.”
Basha tha se “Rama kujton se do ta shtyje tre javë me varjete dhe spektakël qw të mos përballet me bilancin e tij. Tre javë më spektakël nuk i shtyn dot as Madona dhe jo më ti”
Basha u premtoi kavajasve se “pensioni minimal me “republikwn e re” do tw jetw 25 mijw lekw nw muaji. Gjithashtu qeveria do tw paguai energjisw elektrike pwr të pamundurit.”
