Kreu i Partisë Demokratike, Lulzim Basha ka pranuar se opozita ishte kthyer në fasadë brenda në Kuvend, pasi nuk kishte më asnjë hapësirë.
I ftuar në studion e “360 gradë”, Basha deklaroi se qytetarët e vunë para dy zgjedhjesh dhe opozita vendosi që të sakrifikohet duke djegur mandatet për t’ia kthyer vendimmarrjen popullit.
Fjala e Bashës:
Opozita ishte kthyer në fasadë, ajo hapësirë që ekzistonte ishte eliminuar. Qytetarët pyesnin ore jeni fasadë? Qytetarët na vunë para zgjedhjes, për ta çuar vendin në zgjedhje të parakohshme ose të degradonte në dhunë. Ne zgjodhëm rrugën e parë.
Kjo qeveri ka ardhur në pushtet duke vjedhur votat. Sakrifica që kemi bërë është t’ia kthejmë vendimmarrjen popullit.
Vetëvrasje politike?
Propaganda e Ramës do bëjë punën e vet, njerëzit janë zgjuar. E kanë kuptuar që koha e llafeve të kota ka mbaruar. Të gjithë ndihen të kërcënuar nga gjendja ekonomike, i takson në mënyrë të tmerrshme ata që punojnë. Promovon dhe mbron ata që mirëqenien e tij nuk e bazon në një punë të ndershme./ Tirana Today
