Kryetari i opozitës Lulzim Basha gjatë fjalës së tij pas përfundimit të takimit të dytë më Kryeministrin Rama në Presidencë, u shpreh se asgjë nuk ka ndryshuar nga takimi i parë.
Sipas Bashës, takimi i ditës së sotme ishte fatkeqësisht përsëritje e takimit të djeshëm.
“Takimi i sotëm ishte fatkeqësisht përsëritje e takimit të djeshëm. Rama erdhi pa asnjë ofertë.
Vendi ka nevojë për zgjidhje politike ndryshe nuk zgjidhet kjo krizë me baronët e drogës”, tha Basha
Gjithashtu Basha vijoi se kjo zgjidhje duhet të jetë me kosto sa më të ulët për shqiptarët.
“Besoj dhe jemi të përkushtuar që zgjidhja e kësaj krize të ketë kosto sa më të ulët për çdo shqiptare, kjo zgjidhje duhet të vijë me një faturë sa më të vogël.
Asnjë shqiptar nuk duhet të ketë iluzione se në jetën e tyre do të ndryshojë diçka kur në qeverisje do jenë të njëjtët persona.
Gjithçka do të ndryshojë në qoftë se ne do ti qëndrojmë kësaj kauze” pohoi ai.
