Kryetari i opozitës, Lulzim Basha gjatë fjalës së tij nga “çadra e lirisë” ka konfirmuar vazhdimësinë e qëndresës së saj.
Basha është shprehur se kjo qëndresë do të vazhdojë deri sa të institucionalizohen kërkesat e opozitës nga qeveria.
“Ky monument, ky tempull i lirisë i cili nesër do të pres bashkimin e shqiptareve më të madh në histori. Çadra do të vazhdojë deri në institucionalizimin e kërkesave te opozitës. Demokracia ka gjithmonë nevojë për luftën e drejtë të njerëzve të drejtë“, tha Basha
I ftuar në çadrën e opozitës sot është senatori i Forza Italia, Lucio Malan “Evropianët duhet t`ju falënderojnë ju sepse ju po luftoni për lirinë tuaj, të gjithë shqiptarëve dhe të gjithë evropianëve. Të luftosh për të pasur zgjedhje të lira është e rëndësishme, të gjithë bashkë. Duhet që t`i thoni faleminderit liderit Basha. Ai është një lider që lufton për lirinë tuaj. Diferenca midis diktaturës dhe demokracisë nuk është sepse në diktaturë nuk votohet. Në diktaturë votohet por në të fituesi përcaktohet para se të bëhen zgjedhjet. Ja përse po lufton lideri juaj Basha. Për një votë të lirë dhe të ndershme.”
Ftesa ndaj senatori Malan është në vazhdën e ndërkombëtarëve të ftuar në përkrahje të protestës së opozitës.
