Kreu i PD-së, Lulzim Basha ka zhvilluar një takim në njësinë nr.8 në Tiranë, ku akuzoi PS-në dhe LSI-në, teksa tha se kjo e fundit e ka bërë të gjithë përpjekjen e vetë, pasi skllavëroi qytetarët me tesera partie, sikur të ishin triska buke.
Basha premtoi ulje të taksave dhe rritje të pensioneve, si dhe bëri thirrje për bashkim me Republikën e Re.
“Gropa me aferën korruptive ÇEZ, po mbyllet me kërbaçin. Është e paimagjinueshme që të paguajnë më shumë ata që s’kanë. Kjo do marrë fund. E nesërme e sigurt do të thotë rritje të pensioneve. Pensionet nuk janë rritur, e dini ju dhe unë nga prindërit e mi. Pension të 13 nuk ka. Rritja e pensioneve do nisë që këtë vit. Ky është programi i Republikës së Re. Ajo që lypset është që bashkimi i lëvizjes të zgjerohet derë më derë. Mjerimi ua ul kokën njerëzve. PS e ka bërë të vetën, Edi Rama e ka bërë të vetën. Duke i kthyer në skllevër të pushtetit. LSI ka bërë të vetën, duke i skllavëruar me teserat e partisë, si triskë bukë. Por ky është momenti i bashkimit të madh. Ju e keni parë se Shqipëria është në këmbë, ndaj thirrja ime është: Bashkohuni me Republikën e Re, me qytetarët e lëvizjes më të madhe popullore”, tha Basha.
