Kryedemokrati Lulzim Basha ka deklaruara se paratë e dëmit 600 milionë euro që i janë shkaktuar shtetit të çështjes së shumëpërfolur të CEZ, kanë shkuar në konto bankare ose në kompani off shore.
“Ato 600 mln të CEZ do hetohen deri në fund. Nuk ka vendim që e mbyll hetimin për CEZ dhe përgjegjësit do dalin para ligjit. Ne do bëjmë gjithçka që me paratë që janë në konto bankare dhe në off shore, t’i vijmë në ndihmë familjeve me ndihmë ekonomike”,- sqaroi Basha.
Gjithashtu, Basha tha se ka mjaftueshëm informacion për t’ju deklaruar me përgjegjësi se paratë e aferës CEZ kanë përfunduar në kompani para off shore dhe se me marrjen e pushtetit do t’ua kthejë shqiptarëve.
“Afera e CEZ” ka qenë më shumë një çështje politike se financiare. Ajo nisi me ardhjen e socialistëve në pushtet të cilët zgjidhën mosmarrëveshjet mes kompanisë çeke CEZ, e cila kishte privatizuar sistemin e shpërndarjes së energjisë, OSHE, dhe qeverisë shqiptare, të lindura në kohën kur në pushtet ishte PD.
