Kryetari i Partisë Demokratike, Lulzim Basha nga qyteti Korçës deklaroi se 12 zyrtarë janë pushuar nga puna e tyre pasi kanë shkelur ligjin.
Sipas tij, çdokush që tenton të kerkcënoj votën e qytetarëve do të shkarkohet menjëherë nga puna dhe do të kalojë në ndjekje penale ku parashikohet të paktën 1 vit burg.
Sakaq, Basha kërkoi që çdo qytetar që vren këtë fenomen të denoncojë menjëherë këtë krim që ju bëhet shqiptarëve.
“ Vetëm gjatë ditës së sotme janë shkarkuar nga puna 12 veta zyrtarë të lartë të cilat kanë abuzuar me ligjin. Duhet të denonconi çdo gjë që shikoni pasi është cenim i votës tuaj “ tha Basha.
Po ashtu, Basha u shpreh se kjo votë e imponuar ka qenë një nga arsyet që sot Shqipëria është në këtë gjendje.
