Barcelona vazhdon të ketë në kërkim të një mesfushori për të mbuluar boshllëkun që u krijua pas largimit të Iniestas. Duket se katalanasit janë të vendosur që të sjellin në Camp Nou mesfushorin e Paris Saint-Germain, Adrien Rabiot.
Disa anëtarë të bordit të Barcelonës kanë tentuar që të shfrytëzojnë finalen e Kupës së Botës për këtë transferim. Ata shpresonin që të zhvillonin bisedime me presidentin e PSG-së, Nasser Al Khelaifi, i cili ishte në stadium, por plani duket se nuk ka funksionuar dhe nuk ka pasur asnjë kontakt mes tyre.
Megjithatë, Barcelona do të synojë të ndjekë yllin e PSG për të cilin e ardhmja me kampionët francezë është e pasigurt.
