Barcelona “tradhton” Spanjën, tjetër “goditje” në Amerikën Latine (Video)

Barcelona në vitin e fundit ka ndryshuar model në merkato, ata janë fokusuar në Brazil për të siguruar talentët e rinj dhe jo më nga Spanja. Pas Coutinhos dhe Paulinhos, tashmë katalanasit me anë të një postimi në faqen e tyre zyrtare, njofton se ka arritur akordin paraprak me Gremion për blerjen e mesfushorit Arthur për 30 milion euro plus 9 milionë euro bonuse. Barcelona do të ushtrojë të drejtën e blerjes deri në korrik. Arthur do të jetë goditja e parë për sezonin e ardhshëm.

Arthur është 21 vjet dhe e filloi karrierën e tij në vitin 2008 në ekipet e të rinjve në Goias përpara se të transferohet te Gremio. Ai gjithashtu ka përfaqësuar Brazilin U17 dhe U20 dhe pritet ti bashkohet dy brazilianëve të tjerë Coutinho dhe Paulinho.