Barcelona ka bërë një paraqitje fantastike në prag të “El Clasicos” që do të luhet në 23 dhjetorë në Bernabeu. Të besuarit e Valcverdes kanë mposhtur me rezultatin e thellë 4-0 Deportivo La Coruna dhe kanë ruajtur marshin e fitoreve dhe të pamposhturve në La Liga. Duke pasur parasysh edhe gabimin që bëri Valencia sërish këtë javë ku u mposht, katalanasit përfituan mjaft mirë duke rritur diferencën me vendin e dytë.
Suarez dhe Paulinho kanë shkëlqyer në këtë sfidë pasi kanë shënuar nga dy gola secili, nga një për pjesë. Nga ana tjetër Leo Messi ka bërë një paraqitje mjaft të mirë në këtë sfidë, por ka gabuar një penallti dhe nuk e ka futur dot emrin tek golashënuesit. Barcelona ka kryer një zëvendësim të detyruar në pjesën e parë pas një dëmtimi të Alcacer. Ky i fundit duket se do ti shtohet listës së të munguarve në përballjen me Real Madrid, ku përfshihet Umtiti dhe Dembele.
Atalanta 3-3 Lazio
Përballja e portierëve shqiptarë Berishës dhe Strakoshës në Serie A, ka përfunduar jë barazimin 3-3 dhe kanë ndarë nga një pikë. Pas një pjese të parë të cmendur ku Atalanta kalon në avantazhin e dy golave me Caldara dhe Ilicic, është Milinkovic që shënon dy herë në harkun e 8’ minutave për të sjellë baraspeshën. Ndërsa në fillim të së dytës, një ndërhyrje e gabuar e Bastos sjell një 11 metërsh për zikaltërit që kthehet në gol nga Ilicic. Por befasia e këtij sezoni për lacialët Luis Albero ka kthyer sërish baraspeshën me një gol të shënuar në minutën e 79. Lazio kishte një mungesë mjaft të rëndësishme në sulm, pasi Immobile ishte i ndëshkuar e karton të kuq. Pjesa e mbetur e lojës është luftuar shumë nga të dyja ekipet por që nuk kanë arritur të gjejnë më rrugën e rrjetës.
