Një lajm shokues ka qarkulluar në mediat prestigjioze spanjolle. Pretendohet se Barcelona mund të shkoj drejt falimentit. Sipas “RAC1”, nëse klubi katalanas nuk arrin të reduktojë pagat në shumën e 190 milionë eurove brenda një jave, rrezikon të shkojë në kolaps.
Barcelona mund të hyjë në procesin e falimentimit, nëse nuk bien dakord për reduktimin e pagave në masën 30%. Situata e Mesit është një nga më shqetësueset. Nëse ai vendos të mos rinovojë, klubi do të duhet t’i paguajë një bonus në fund të kontratës.
Karles Tuskuets, presidenti administrues i klubit, pas dorëheqjes së Bartomeut dhe bordit të tij, zbuloi të enjten se sa e vështirë është situata. Ai tha se shqetësimi kryesor mbetet ai financiar.
“Shqetësimi ynë kryesor është ai financiar. Pandemia, veçanërisht po prek Barcelonën. Klubi varet nga turizmi dhe tani nuk ka aktivitet të tillë. Situata nuk është e rehatshme, ne duhet të mbledhim idetë e takimit të mëparshëm për të korrigjuar sëmundjet që na prekin”.
