Barcelona është rikthyer tek fitorja në LaLiga, pas asaj goditje që i dha Roma duke e eliminuar nga Champions League. Edhe pse përballë kishte një kundërshtarë mjaft të fortë si Valencia, djemtë e Valverdes ia dolën mjaft mirë. Suarez në fillim e më pas Umtiti, të dy të asistuar nga Coutinho bënë që penalltia e Parejos të mos kishte vlerë në “Camp Nou”.
Luis Suarez shënon që në pjesën e parë falë një asisti perfekt të brazilianit Coutinho, duke shënuar edhe golin e 10 përballë Valencias, ekipi që i ka shënuar më shumë. Ndërsa në kampionat ky ishte goli i 23 për uruguaianin, gjashtë më pak se Messi i cili nuk arriti të shënonte edhe pse kishte disa raste të pastra.
Pjesa e dytë nis më së miri, është sërish Coutinho që hedh një krosim në zonë dhe gjen Umtitin, ky i fundit nuk gabon dhe e dërgon në rrjetë. Valencia përgjigjet vetëm pak minuta nga fundi duke shënuar më Parejo nga pika e bardhë e penalltisë, pas një faulli të shkaktuar nga Osmane Dembele.
Kur mbeten edhe gjashtë javë nga fundi, Barcelona ka 14 pikë më shumë se Atletico Madrid e vendit të dytë, që nesër do të presë Levante. Barcelona theu rekordin në La Liga me 39 ndeshje pa humbje, rekord që ishte vënë në vitin 1980 nga Real Sociedad.
