Antonie Griezmann është emri më i lakuar për merkaton e verës, pasi gjigantët e Manchester United dhe të Barcelonës kanë shfaqur shumë interes për francezin. Por nuk është i këtij mendimi shoku i skuadrës, Diego Costa i cili ka hedhur poshtë këto aludime. Ai është shprehur se Griezmann nuk do të largohet nga Atletico gjatë verës dhe se zemra e tij rreh për këtë ekip.
Emri i francezit është lakuar për një kalim në “Old Trafford” ose në “Camp Nou”, por shoku i tij në sulmin e skuadrës së Simeone garanton se zemra e Griezmann është te Atletico dhe nuk do të largohet nga “Ëanda Metropolitano”.
“Ai e di që ne të gjithë e duam shumë dhe se është një lojtar shumë i rëndësishëm për ekipin. Ai është ende një armë e rëndësishme për ne dhe nuk na ka thënë kurrë se do të largohet, – deklaroi Costa. – Do të ishim shumë të lumtur nëse do të qëndronte dhe për mendimin tim është më mirë për karrierën e tij që ai të qëndrojë me ne. Që kur jam kthyer te Atletico më ka telefonuar çdo ditë, flas për gjithçka me të dhe nuk më ka thënë kurrë se nuk do të luajë me ne vitin e ardhshëm. Gjithçka mund të ndodhë në merkato, por unë besoj se Griezmann do të qëndrojë te Atletico.”
