Vendi i shtatë në klasifikim me 14 pikë në 10 ndeshje, me një bilanc 4 fitore, po aq humbje dhe 2 barazime. Për të gjetur një fillim kaq të keq të Barcelonës në kampionat, duhet të kthehemi në sezonin 1987-88, 33-vjet më parë.
Ronald Kuman, trajneri i ardhur këtë sezon nuk po mundet dot t’i japë një identitet ndryshe skuadrës, madje po lë në hije edhe një Lionel Mesi që tashmë është në bankën e të akuzuarve.
“Mundo Deportivo” bën një analizë të pamëshirshme të numrit të topave të humbur nga numri 10 gjatë këtij fillimi të sezonit. Me Kadiz kishte 29, një rekord personal. Me Realin e Madridit 26, me Alaves 27 dhe me Atletiko Madrid 23.
Me siguri nuk mund të thuhet se shifra në një farë mënyre është e lidhur me pozicionin në fushë të dëshiruar nga Koeman. Problemi është se ai duket se i është nënshtruar një përfshirjeje në atë që është specialiteti i tij: driblimet.
