Barazimi me Wolves në sy të trajnerit legjendar, Sir Alex Ferguson duket se nuk është përtypur dot nga Jose Mourinho. Trajneri portugez ka akuzuar lojtarët se në këtë sfidë ata nuk ishin përkushtuar fare që ta fitonin dhe se luajtën me vetëm 30% të aftësive që zotërojnë.
“Njëra skuadër luante sikur jetët e tyre vareshin nga kjo ndeshje ndërsa skuadra tjetër ishte shumë e relaksuar”, tha trajneri i United. “Është e vështirë të fitosh ndeshje kur nuk je aty. Kjo është diçka të cilën e mëson kur je në akademi. Nëse nuk je përballë një kundërshtari të dobët, të luash 30% të potencialit tënd nuk është e mjaftueshme”.
Edhe pse Mourinho nuk fajësoi një lojtar në veçanti, Paul Pogba humbi topin në aksionin e barazimit të Wolves. “Lojtarët e dinin mirë se Wolves bën presion në mesfushë. Nuk ke shumë kohë për të marrë topin, prandaj është e vështirë të pranohet ajo që ndodhi”, ka qenë sulmi indirekt i portugezit ndaj francezi.
