Më herët u bë me dije se PD ka kallëzuar në Prokurorinë e Vlorës, kreun e IKMT-së, Fatmir Meta, pasi ky i fundit ka kërcënuar deputetin demokrat Agron Shehaj. Kujtojmë këtu faktin se mbërritja e fadromave të IKMT, të shoqëruar nga forca të shumta policie, u prit me kundërshti nga banorët.
https://tiranatoday.com/pd-kallezon-ne-prokurori-kreun-e-ikmt-se-policia-mban-ende-ne-komisariat-personat-qe-i-kundershtuan/
Një nga banorët e Jalës, identifikuar si Edi Bala, pas daljes nga ambjentet e Komisariatit, në një lidhje telefonike për “Fax News” ka rrëfyer situatën e rënduar në të cilën ndodhen. Ai thotë se nuk kanë rroba për të veshur, e ndërsa e cilëson situatën si gjendje lufte, pasi nuk kanë ku të jetojnë.
“Nuk kemi as rroba për të veshur, edhe ato pak të ardhura që kishim, janë shembur bashkë me shtëpinë. Jemi në gjendje të mjerueshme, nuk kemi ku të flemë. Edhe mbesës sime që ishte 14 vjeç, që kishte nevojë për psikolog, e kanë marrë në Komisariat.
Nuk e hap telefonin as kryetari i Bashkisë, as deputeti Damian Gjiknuri. Ikën në Kukës, ndërkohë banorët e tij kanë ngelur pa shtëpi. Është bërë si gjendje lufte, nuk kemi ku të jetojmë. Ndoshta i pëlqen prona, dhe duan ta marrin me patjetër.
Familjarët u mbajtën deri në orën 23:00 në polici. Në vitin 2012 është bërë tentativë të merret prona. Ambasadori amerikan të vijë, sepse kemi frikë edhe për jetën tonë, sepse edhe mund të na vrasin. Ka interesa të mëdha për pronën. Jemi të bindur se dikush është më i fuqishëm, që pretendon ta privatizojë”, tha ai.
