Banorët e Bregut të Lumit kanë dalë pasditen e sotme në protestë. Ata kërkojnë dëmshpërblimin e munguar nga ndërtimi i Bulevardit të Ri.
“I bëj thirrje popullit të qëndrojnë për të drejtat e tyre, t’i qëndrojnë djersës së vet. I bëjmë thirrje Veliajt të bashkëpunojë me këtë popull e të na legalizojë shtëpitë tona. Vetëm me taksat tona po ndërtojnë e po pasurohen. I bëj thirrje kryeministrit, ne të vumë ne të heqim prapë! O dorëzohu, o rrëzohu!”
Deputetët e PD kanë qenë në mbështetje të tyre. Klevis Balliu bëri thirrje që banorët t’i bashkohen nesër protestës së studenteve në orën 10:00 para parlamentit.
Nuk dihet nëse studentët do e pranojnë opozitën në protestën e tyre, pasi që nga fillimi ata u janë shmangur politikanëve, duke kërkuar që të qëndrojnë larg kauzës së tyre.
