Zona e Astirit është zgjuar e rrafshuar, ndërsa gjatë orëve të vona të natës janë hequr shtyllat elektrike. Përgjatë gjithë natës së kaluar, punonjësit e bashkisë kanë prerë të gjitha pemët anës rrugës, dhe kanë hequr të gjitha shtyllat elektrike. Duke u përballur me rezistencën e banorëve, qeveria ka zgjedhur që të punojë gjatë natës.
Një ditë më parë, banorët kanë dëmtuar pjesën rrethuese të projektit, që është vendosur nga kompania kontraktore. Me thirrjet “Nuk na tremb dot”, banorët kanë marshuar përgjatë gjithë rrugës. Duke qenë se i kanë hequr ndriçimin, banorët kanë ndezur të gjithë blicat e telefonit me thirrjet “Drita jemi ne”.
