Një ngjarje e rëndë ka ndodhur në Bangladesh, teksa një traget është përplasur me një anije tjetër, duke bërë që kjo e fundit të mbytej.
Sipas mediave të huaja, incidenti është regjistruar pranë kryeqytetit Dhaka. Si pasojë e kësaj ngjarjeje kanë humbur jetën të paktën 32 persona, ndërsa shumë të tjerë janë shpallur të zhdukur.
Zyrtarët e shpëtimit thanë që anija, “Zogu i Mëngjesit”, u përmbys pas një përplasjeje me një traget në lumin Buriganga, afër portit më të madh të vendit, Sadarghat.
Në anijen që u zhyt ndodheshin më shumë se 50 persona. Aksidentet e anijeve janë të shpeshta në Bangladesh, për shkak të mbipopullimit.
Në mesin e viktimave raportohet se kanë qenë edhe 3 fëmijë.
