Ish-presidenti i Republikës dhe ish-nënkryetari i Partisë Demokratike Bamir Topi i ka quajtur hipokritë të gjithë demokratët që bëjnë pjesë në grupin anti-Basha, ndërsa ka veçuar njërin.
Bëhet fjalë pikërisht për Besnik Mustafajn, për të cilin ka thënë se mendimet e tij i ka bërë publike që më herët, ndërsa të tjerët, sipas Topit, kanë doza hipokrizie.
I ftuar në emisionin “Debati në Channel One”, kreu i FRD-së tha Partia Demokratike gjendet në një fazë të degradimit të vazhdueshëm të saj.
“Kryetari de facto i Partisë Demokratike është ai që ka pushtetin e plotë dhe ky është Sali Berisha. Ka nga ata që besojnë në një rikthim të Berishës në krye të PD. Jam i bindur që verdiktin e listës e ka dhënë Berisha”, tha Topi.
Për sa i përket presidentit Meta, Topi tha se e vlerëson Presidentin e zgjedhur, ndërsa shtoi se marrëdhënia Meta-Rama do i ngjajë marrëdhënies Topi-Berisha:
“Unë e vlerësoj shumë zotin Meta I cili edhe pse shumë I ri ka një përvojë të veçantë në politikë. Unë kam konsiderata të mira për të dhe kam parë një ekuilibër të brendshëm te zoti Meta Presidenca e tij ka që për të treguar pikërisht këtë përvojë por nga ana tjetër Topi bëri një parashikim për marrëdhëniet e Metë she Ramës në vitet e ardhshme. “Unë parashikoj që këto marrëdhëniet nuk kanë për të qenë të qeta. Meta president me Ramën kryeministër do ti ngjajë historisë sime me kryeministrin Berisha.”
