Ideatori i flamurit “Autochthonous” që u ngrit në stadiumin serb, Ismail Morina, qëndron në burg në Kroaci që prej qershorit të vitit 2017. Ai u ndalua në kufirin mes Malit të Zi dhe Kroacisë, pasi udhëtonte në mënyrë klandestine dhe kishte në urdhër-arresti nga Serbia.
Serbia kërkoi ekstradimin e Morinës, por pas një takimi që pati presidenti Meta me ambasadoren kroate në Shqipëri, Kroacia anuloi edhe vendimin për ekstradimin e tij. Ndërsa që prej ditës së djeshme Presidenti i Republikës Ilir Meta ndodhet në një vizitë zyrtare në Kroaci ku është takuar me homologen e tij , Kolinda Grabar-Kitarovic.
Përveç marrëdhënies mes dy shteteve, në fokus të takimit ka qenë dhe Ballist Morina, i cili ndodhet i arrestuar në ketë vend. Gjetja e një zgjidhjeje për rastin në fjalë u diskutua mes Presidentit Meta dhe Kitarovic deri në pritje të vendimit të radhës.
Ky reagim vjen fill pas deklaratës që bëri ministrja e Drejtësisë në Serbi, Nela Kuburuviq, e cila u shprehu se nuk ka një datë të saktë se kur do të ndodhë ekstradimi por është e bindur se do të ndodhë brenda këtij viti.
