Prej një jave qarkullonte një pjesë e deklaratës që kishte dhënë balerini i mirënjohur Graciano Tagani, pas pushimit nga puna nga Albi Nako. Kujtojmë këtu faktin se balerini i njohur profesionist, prej 7 vitesh ishte pjesë e trupës së baletit të Albi Nakos. Ai ka shfryrë dufin, teksa ishte i ftuari i radhës në emisionin “Thumb” të Fatmës dhe Aulonës, duke rrëfyer ekskluzivisht dhe me detaje pse ishte larguar nga trupa e Albi Nakos.
“Mua më është bërë remove nga grupi i punës në Whatss App, dhe asgjë më shumë. Vetem një njeri i madh si Albi mund të pushojë nga puna vetëm nga Whatss App-i me një mesazh. E kam marrë në telefon Albin, që të paktën të merrja një sqarim. Më ka thënë që do të flasim nga afër, por që nuk ndodhi kurrë. Unë e lash pastaj, sepse nuk mu duk më me rëndësi. Nuk e di çfarë ka ndodhur, ndoshta ka probleme me veten, ndihet i paplotësuar”.
I pyetur nga Aulona nëse ka pasur përplasje më përpara, Graciano tha se nuk ka ndodhur diçka e tillë. Ai po kështu konfirmoi se me Albin kanë patur marrëdhënie të ngushta. Për të, mosmirënjohja ka thelluar përçarjen mes tyre.
“Nuk ka pasur asnjë debat, as fërkim, asgjë. Unë Albin nuk e kam pasur vetëm koreograf, e kam pasur mik dhe minimalisht nga një mik e pret që të të japë një sqarim të paktën.
Mosmirënjohja është gjëja me e keqe tek një person, dhe ai e ka këtë. Sepse duke qenë se unë jam mirënjohës ndaj çdokujt që e meriton, dhe unë baletin e kam ushtruar, sepse e dua si profesion dhe jo vetëm për të ardhura. Sepse dihet se sa paguhen balerinët këtu tek ne, e rrjedhimisht ti më ke prerë krahët.
Ndihem shumë i prekur, sepse ishte personi i fundit që e prisja ta bënte këtë. Jo se më ka mbajtur me hatër, sepse unë e kam mbajtur vetë vendin e punës, por miqësia që kemi patur. Mund të thoshte Graciano, këtu ti po gabon”.
Fatma ka ndërhyrë duke thënë se si shkak i këtij largimi, mund të jetë edhe xhelozia në profesion, e këtë Graciano nuk e ka mohuar e as pohuar.
