Transferimi më i shtrenjtë i Bajernit në merkaton e verës deri më tani është mbrojtësi Dajot Upamekano, i cili pritet ta drejtojë mbrojtjen e klubit të tij të ri që nga fillimi. Udhëheqja bavareze pret që mbrojtësi qendror, i blerë 42.5 milion euro nga rivalët e Bundesligës, Leipzig, të marrë menjëherë rolin e drejtuesit. “Nuk ka nevojë për një periudhë të gjatë ambientimi dhe kjo gjë do të kërkohet që nga fillimi,” tha drejtori sportiv i Bajernit, Hasan Salihamidzic në prezantimin e Upamekanos të martën.
Pas largimeve të David Alabës drejt Real Madridit, Jerome Boatengut, i cili nuk ka gjetur ende një klub, dhe Javi Martinezit tek Qatar SC, Upamekano pritet të bëhet menjëherë një lider nën trajnerin e ri Julian Nagelsmann.
22-vjeçari pritet të “japë komandat e tij me zë të lartë nga prapa”, tha Salihamidzic. “Na duhet, dhe ai e di këtë”.
Pritshmëritë rreth Upamekanos janë të mëdha, veçanërisht pasi mbrojtësi i Bajernit Niklas Zyle pati një kampionat evropian të dobët me vetëm një paraqitje për Gjermaninë. Ndërkohë Tangui Nianzou ende shpreson për më shumë përfshirje në lojë në vitin e tij të dytë tek bavarezët pas një sezoni të penalizuar nga dëmtimet. Upamecano nuk duhet të ketë problem të merret vesh me trajnerin e ri të Bayernit Julian Nagelsman, pasi ata kanë punuar së bashku me sukses tek Leipcigu.
