E mërkurë, 16 Qershor, 2021
20.5 C
Tirana

Babai iu dënua burgim të përjetshëm, reagon i biri i Ratko Mlladiç

Djali i Ratko Mlladiç ka reaguar për vendimin e dhënë nga gjykata e Hagës, ku babai i tij  u dënua me burgim të përjetshëm. Darko Mlladiç tha për mediat, se e rëndësishme për të është që babai i tij të jetë mirë e të takohen vazhdimisht.

Ai u shpreh se sapo ka parë transmetimin dhe po niset për në njesinë e paraburgimit ku do të qëndrojë me babanë e tij një orë, shkruajnë mediat serbe.

“E pashë vetëm në transmetim, tani po shkoj në njësinë e paraburgimit, do të jemi së bashku për një orë. Ky është një cirk udhëtues, Mlladiç nuk kishte një gjykim të drejtë. Ky është një përbindësh legal që shpenzoi burime për 30 vjet dhe gjykoi kundër popullit serb dhe bëri agresion. Ne do të shohim mendimin origjinal të gjyqtarit Nyamba. Ajo është e vetmja pikë e ndritshme në gjyq. Këta gjyqtarë as nuk u morën me çështjen shumë. Unë do të takoj babanë tim, është e rëndësishme që ai të jetë mirë, gjithçka tjetër është më pak e rëndësishme, kush mendon se ka arsye për të festuar, le të festojë, nuk më intereson kjo”, tha ai.

Dënimi me burgim të përjetshëm

Gjykatësit e Kombeve të Bashkuara e mbështetën dënimin me burg të përjetshëm ndaj ish-shefit ushtarak serb, Ratko MlladiÖ për organizimin e gjenocidit dhe mizorive të tjera gjatë gjithë luftës së Bosnjës 1992-95.

Ish-komandanti serb, ka humbur apelin e tij kundër një dënimi të vitit 2017 për gjenocid dhe krime kundër njerëzimit.

Mekanizimit Ndërkombëtar për Gjykatat Penale, mbështeti dënimin e përjetshëm për rolin e tij në vrasjen e rreth 8,000 burrave dhe djemve muslimanë boshnjakë (boshnjakë) në Srebrenicë.

Mekanizmi Ndërkombëtar për Gjykatat Penale në Hagë, është një institucion pasardhës i Gjykatës Penale Ndërkombëtare për ish-Jugosllavinë.

Më 2017, në gjykimin e shkallës së parë MlladiÖ ishte dënuar me burgim të përjetshëm për një sërë akuzash, përfshirë gjenocidin në Srebrenicë dhe krime kundër njerëzimit.

- Reklama -

Më shumë nga kategoria




Të fundit

Dhunohet drejtoresha në Bashkinë e Tiranës

Policia njofton se është dhunuar për shkak të detyrës Drejtoresha e Agjencisë së Parqeve dhe Rekreacionit në Bashkinë e Tiranës. Agresori është një 34-vjeçar me...

‘Vatra’ deklaratë: Të na tregohet pse Berisha u shpall “non grata”

DEKLARATË PUBLIKE E FEDERATËS PAN – SHQIPTARE TË AMERIKËS VATRA, RRETH SHPALLJES ‘NON GRATA’ TË ISH- PRESIDENTIT SHQIPTAR DR. SALI BERISHA Federata Pan - Shqiptare...

BE heq kufizimet e udhëtimit për Shqipërinë, Serbinë dhe Maqedoninë e Veriut

Vendet anëtare të Bashkimit Evropian kanë rënë dakord të mërkurën (16 qershor) të heqin kufizimet e udhëtimit për udhëtarët nga tetë vende dhe territore...

Arma më e fuqishme e Opozitës

Nga Oerd Bylykbashi Ligji i Dekriminalizimit funksionon si sahat! Një tjetër kryebashkiak i dënuar me burgim u zbulua falë tij, duhet të largohet nga funksioni...

Hodhi çantën nga dritarja e lokalit sapo pa RENEA-n, pranga 27-vjeçarit

Kontrollet e befasishme të RENEA-s në Fier për kapjen e personave në kërkim, janë finalizuar me arrestimin e një të riu. Në pranga është...