Në mbrojtjen publike të ambasadores së BE-së në vendin tonë, Romana Vlahurtin doli dhe Avokati i Popullit, Igli Totozani. Është e dukshme që institucioni i Avokatit të Popullit është shumë afër ndaj ambasadorëve të huaj, dhe mirë bën. Por parësorja e këtij institucioni dhe kreut të saj është problemet e shtetasve shqiptar që nuk janë të pakta.
Nuk duhet harruar se ish- ambasadori së BE-së në Shqipëri, Ettore Sequi është akuzuar për afera korruptove me që institucioni i Avokatit të Popullit dhe drejtuesin Igli Totozani, gjithashtu nën akuzë u vu dhe bashkëshortja e Igli Totozanit për marrjen e fondeve që vinin nga BE në mënyrë “klienteliste”.
Avokat i Popullit Igli Totozani, dëgjo dhe një fjalë nga populli “Ku ka zë nuk është pa gjë”. Shprehja në këtë rast nuk lidhet fare me zonjën e nderuar z. Romana Vlahutin, por reagimi juaj, në të tillë situatë, ishte fare i pa vend.
Letër e hapur e Avokatit te Popullit, Igli Totozan
“E nderuar zonja Vlahutin,
Unë nuk mund të shkruaj më bukur se shkrimtari ynë i madh Ismail Kadare, por besoj se si çdo qytetar i këtij vendi jam i aftë të ndjejë si ai. Kadare në gjithë veprën e tij ka ditur të njoh në thellësi ndjenjat më fisnike e të qenësishme të popullit tonë. Kurrkush si ai nuk ka ditur ta njoh në mënyrë aq komplekse dhe ta përshkruaj aq bukur shpirtin e popullit tonë, ndaj besoj që edhe në këtë rast ai ka ditur t’ju transmetoj juve si njeri, si grua, ndjesinë e hidhur që na ka lënë kjo ngjarje të gjithëve ne.
Nuk më mbetet veçse të rreshtohem bashkë me të si njeri dhe si përfaqësues i një institucioni shtetëror për t’ju kërkuar ndjesë dhe për t’ju shprehur gjithë mirënjohjen time dhe të institucionit për punën dhe misionin tuaj dhe të Bashkimit Europian në të mirë të vendit tim dhe të ardhmes së tij europiane”.
