Nënkomisioni ‘ad hoc’ për përzgjedhjen e kandidatëve jo gjyqtarë dhe jo prokurorë për Këshillin e Lartë Gjyqësor dhe për Këshillin e Lartë të Prokurorisë është mbledhur sot për të miratuar listën e dytë me emrat për t’ia dërguar Kuvendit për miratim.
Mbledhja është zhvilluar me debate të forta mes shumicës dhe opozitës, ndërsa avokati Saimir Visha është tërhequr nga gara. Përmes një letre dërguar Kuvendit, ai shprehet se “nuk dua të jem pjesë e një procesi pa dakortësi politike”.
Komisioni ka përjashtuar nga gara Alitn Hazizaj, i cili ishte kandidat për KLGJ nga radhët shoqërisë civile. Vendimi vjen pas akuzave të PD se Hazizaj prekej nga ligji i dekriminalizimit.
Visha, ishte një nga kandidatët për anëtar i Këshillit të Lartë Gjyqësor nga avokatia, i cili i plotësonte kushtet ligjore. Saimir Visha, nga ana tjetër është i njohur për madia pasi është dhe avokati i Mark Frroku.
Nsdërsa në një intervistë për emisionin “Arena” nga Dritan Hila në Ora News, ai ka mbajtur anën e ish-ministrit të brendshëm Saimir Tahiri, lidhur me implikimin e tij në dosjen “Habilaj”, ku është shprehur se nuk ka prova të mjaftueshme që mund të çonin në burg ish-ministrin e Brendshëm Saimir Tahiri, duke kujtuar se duhet ruajtur sistemi i prezumimit të pafajësisë.
“Unë si profesionist deri më tani nuk kam parë provë. Rolin e ka marrë gazetarët investigativë. Një gjë është e vërtetë. Ne duhet të ruajmë prezumimin e pafajësisë. Nëse Saimir Tahiri është fajtor, unë mendoj se kjo është një lojë. Nuk shikoj prova deri në këto momente. Të dy kampet po e përdorin këtë si karrem”, deklaroi Visha.
Hila: Makina nuk e implikon?
“Absolutisht! Unë nuk mendoj që Saimir Tahiri të jetë aq i “çmendur” që të merret me trafikun e lëndëve narkotike. Nuk ka ministër në këtë situatë që të merret drejtpërsëdrejti me këtë çështje. Në vitin 2014-2015-2016 kanabizimi është në masë”, u shpreh avokati Visha.
