Avokati i njohur Sokol Hazizaj ka komentuar ekstradimin e Izet Haxhias dhe rihapjen e çështjes së tij për vrasjen e Azem Hajdarit. Me anë të një postimi në rrjetin social “Facebook”, Hazizaj thotë së kur vjen puna tek ligjet dhe e drejta duhet t’i largohemi deklaratave politike. Ai sqaron se “neni 491, pika f, sipas se ciles pranohet se “nuk mund të jepet ekstradimi kur personi i kërkuar është dënuar në mungesë, me përjashtim të rastit kur shteti kërkues jep garanci për rishikimin e vendimit”.
Avokati sqaron se neni 491 është sa në përputhje me nenin 6 të KEDNJ, por njëkohësisht me parimet dhe kërkesat e reciprocitetit ligjor midis vendeve apo palëve. Kujtojmë se Sokol Hazizaj është avokati mbrojtës ndaj çështjes së Adriatik Llallës.
Por Hazizaj ka dhe një vërejtje për shtetin dhe ligjvënësit dhe lizbatuesit shqiptarë. Ai thotë se çdo shqiptar që vjen i ekstraduar në vendin tonë me qellim vuajtje dënimi të dhënë në mungesë ka të drejtën e rigjykimit, ndërsa jo çdo shqiptar i dënuar në mungesë në çdo vend të huaj, nuk e ka patur këtë të drejtë.
“Mos harroni që shumë shqiptarë janë dënuar në mungesë në vendet fqinj, turpshëm autoritetet tona e kanë marrë me lecka dhe e kanë çuar pa asnjë të drejtë dhe kusht ligjor vetëm më një letër bakalli. Kaq, të tjerat politika le t’i bëjë si ja thotë tarallakja, po të paktën të mbrojë shtetasit e vetë nga diskriminimi ligjor, se në fund të fundit i mbron Konventa. Politik leshi,” deklaroi Hazizaj.
Postimi i plotë i Sokol Hazizajt
Pavaresisht cfare dhe konsideron politika gabim ose te drejte, neni 491, pika f, sipas se ciles pranohet se “nuk mund te jepet ekstradimi kur personi i kërkuar është dënuar në mungesë, me përjashtim të rastit kur shteti kërkues jep garanci për rishikimin e vendimit”, eshte sa ne perputhje me nenin 6 te KEDNJ, por njekohesisht me parimet dhe kerkesat e reciprocitetit ligjor midis vendeve apo paleve. Mjafton te bej me dije se ndersa cdo shqiptar qe vjen i ekstraduar ne vendin tone me qellim vuajtje denimi te dhene ne munges ka te drejten e rigjykimit, ndersa jo cdo shqiptar i denuar ne munges ne cdo vend te huaj, nuk e ka patur kete te drejte. Ndaj eshte bere shume mire qw eshte vendosur apo shtuar ky moment. Mos haroni qe shume shqiptar jane denuar ne mungese ne vendet fqinj, turpshem autoritetet tona e kane marre me lecka dhe e kane cuar pa asnje te drejte dhe kusht ligjor vetem me nje leter bakalli. Kaq, te tjerat politika le ti bej si ja thote tarallakja, po te pakten te mbroje shtetasit e vet nga diskriminimi ligjor, se ne fund te fundit i mbron Konventa. Politik leshi.
