Avokati i ish-presidentit të Kosovës, Hashim Thaçit është përplasur në Gjykatën Speciale me gjykatësin, Nicolas Guillou.
Replikat kanë nisur, kur David Hooper e ka ngritur çështjen e mungesës së simboleve të Kosovës në Gjykatën Speciale.
“Jo vetëm që është njollë për Kosovën dhe kosovarët, Gjykatën e Kosovës, por nuk ka asgjë nga Kosova. Nuk ka asnjë emblemë të Kosovës. Ndoshta mund t’i kushtohet vëmendja kësaj. Nëse është Gjykatë e Kosovës, mund të kishim këtu shqiponjen e zezë me të kuqe”, ka thënë avokati.
Pasi u njoh me 10 akuzat që rëndojnë ndaj tij, ish-presidenti i Kosovës, Hashim Thaçi iu përgjigj gjykatësit shumë i prerë.
“I dëgjova dhe i hedh poshtë të gjitha akuzat”, tha Thaçi.
Aktakuza ndaj Thaçit është konfirmuar më 5 nëntor dhe mbi të rëndojnë 10 akuza, për krime kundër njerëzimit dhe krime lufte.
