Me gjasë, Stresi nuk do t’i pranojë akuzat që i bëhen nga policia, si pjesëtar të një grupi që vinte gjoba dhe shpërndante drogë në zonën e ish-Bllokut. Avokati i Stresit i është përgjigjur interesit të mediave, se nuk ka asnjë akuzë për grup të strukturuar kriminal, sikundër njofton policia.
Gjithsesi nga sa tha avokati, Stresi nuk pranon se arma që u gjet në dhomën e hotelit është e tij.
Avokati ka thënë më tej se arma është gjetur e mbështjellë me një peshqir në dollapin e dhomës së hotelit. Ai aludon se armën mund ta kishte edhe pronari i hotelit.
“Arma u gjet e mbështjellë me një peshqir në dollapin e dhomës së hotelit. Ju e keni parë në pamjet e policisë të gjithë, klientin tim që ka qenë gjysëm nudo. Si e kishte ai armën? Ai ishte lakuriq. Nga ta dimë se armën nuk e kishte pronari i hotelit”, tha avokati.
https://tiranatoday.com/gjykata-le-ne-stresin-avokati-u-kap-i-zhveshur-ku-e-kishte/
